Автор конспекта:
Автор(ы): — Журавлева Надежда Петровна

Место работы, должность: — МБОУ СОШ №36 учитель чувашского языка и литература

Регион: — Республика Чувашия

Характеристики урока (занятия) Уровень образования: — высшее профессиональное образование

Целевая аудитория: — Библиотекарь
Целевая аудитория: — Классный руководитель
Целевая аудитория: — Учитель (преподаватель)

Класс(ы): — 3 класс
Класс(ы): — 4 класс

Предмет(ы): — Родной язык

Краткое описание: — Музыкăпа литература композицийĕ «Вăйăра»

Музыкăпа литература композицийĕ

«Вăйăра»

«Хурăн çулçи» юрă юрласа тухаççĕ.

1. Юрă «Хурăн çулçи»

1.Хурăн çулçи /3 х

Çурăлсан,

Килет вăрман /3 х

Илемĕ.

2.Хĕрсем вăййа /3 х

Тухсассăн,

Килет урам /3 х

Илемĕ.

(Çурма çавра тăраççĕ)

2 -Атьăр, вăййа тухар-и те,

Çĕнĕ сăвă калар-и?

Пирĕн çине тантăшсем те

Ăшшăн пăхса кулччăр-и?

- Атьăр, вăййа тухар-и те,

Çÿл тÿпене пăхар-и?

Çитмĕл çичĕ çăлтăр пек те

Савăнайса выляр-и?

3.Юрă «Тÿнкки-тÿнкки»

1.Тÿнкки-тÿнкки параппанĕ /2 х

Çапмасăрах тÿнклетет.

Эпир вăййа тухсассăн та/2 х

Чĕнмесĕрех çын килет

2.Атьăр вăйă пуçлар –и те /2 х

Вăй кĕввине калар-и

Вăйă кĕвви пĕр сумлăх та /2 х

Пирĕн вăйă çĕр сумлăх

3.Тавай ташă пуçлар-и те /2 х

Таш кĕввине калар-и

Ташă кĕвви çĕр сумлăх та /2 х

Пирĕн вăйă пĕр сумлăх.

4. Вăйă «Ят пĕлмелле»

— Атьăр, вăйă вылятпăр!

— Вылятпăр!

— Мĕнле вăйă выляр-ши, ачасем?

— Ят пĕлмелле!

— Ят пĕлме кама кăларатпăр?!

— Унтрие!

— Унтри, тух-ха, сана ачасем кĕтеççĕ!

(Унтри урай варрине тухса ларать. Ачасем ун тавра карталанса юрлаççĕ)

Ларать, ларать, Унтри ларать

Шĕшкĕ тĕмĕ айĕнче /2 х

Çиет, çиет, Унтри çиет

Шĕшкĕн сарă мăйăрне /2 х

Вăхăт çитсен тăрас пулать

Ятне тĕрĕс калас пулать. /2 х

(Ачасем чарăнса тăраççĕ. Ушкăнран пĕри Унтрин куçĕсене аллисемпе хуплать. Унтрин ун ятне пĕлмелле)

— Ку кам-ши?

— Ку Санюк!

— Анюк пĕлеймерĕ! Мĕн тутаратпăр ăна?!

— Сăвă калаттаратпăр!

Ваççа кайнă вăрмана

Хура çырла пуçтарма.

Упа тухнă мĕкĕрсе,

Ваççа ÿкнĕ хăраса

— Халĕ ят пĕлме кама кăларатпăр?!

— Лисука!

— Лисук, тух-ха, сана ачасем кĕтеççĕ!

(Лисук тухса ларать. Ачасем ун тавра карталанса юрă юрласа çаврăнаççĕ. Пĕр ачи ун куçне хуплать)

— Ку кам-ши?!

— Ку Верук!

— Пĕлчĕ! Мĕн тутаратпăр ăна?!

— Тупмалли юмах калаттаратпăр!

Пĕчĕкскер, хитрескер,

çĕр мăкăртса тухнăскер,

пурçăн тутăр çыхнăскер.

Мĕн вăл?

— Кăмпа!

5. Вăйă «Иванпа Анюкла»

— Ачасем, татах выляр-и?!

— Выляр!

— Халĕ мĕнле выляр?

— Иванпа Анюкла!

— Вылятпăр-и?

— Вылятпăр!

— Эпĕ Анюк пулатăп!

— Эпĕ Иван пулатăп!

(Анюк хăй куçне тутăрпа çыхать. Анюкăн Ивана сасă тăрăх шыраса тытмалла).

— Иван, эсĕ ăçта?

— Кунта! Кунта!

— Иван, эсĕ ăçта?

— Кунта! Кунта!

— Тытаймарĕ! Тытаймарĕ!

— Мĕн тутаратпăр?!

— Юрă юрлаттаратпăр!

— Хĕрсем, мана юрлама пулăшăр-ха, тархасшăн?!

6. Юрă «Илемлĕ, илемлĕ»

1.Илемлĕ, илемлĕ, илемлĕ,

Чăваш тĕрри.

Илемлĕ чăваш тĕрри те

Тĕрлеме пĕлсен кăна. /2 х

2. Илемлĕ, илемлĕ, илемлĕ,

Чăваш кĕпи.

Илемлĕ чăваш кĕпи те

Çĕлеме пĕлсен кăна. /2 х

3. Илемлĕ, илемлĕ, илемлĕ,

Чăваш кĕпи.

Илемлĕ чăваш кĕпи те

Тăхăнма пĕлсен кăна. /2 х

4. Илемлĕ, илемлĕ, илемлĕ,

Чăваш юрри.

Илемлĕ чăваш юрри те

Юрлама пĕлсен кăна. /2 х

5. Илемлĕ, илемлĕ, илемлĕ,

Чăваш ташши.

Илемлĕ чăваш ташши те

Ташлама пĕлсен кăна. /2 х

6. Илемлĕ, илемлĕ, илемлĕ,

Чăваш çынни.

Илемлĕ чăваш çынни те,

Пурăнма пĕлсен кăна. /2 х

Йăмра çине тăм ÿкет,

Хĕвел пăхать-ирĕлет.

Выльăр, кулăр, тантăшсем,

Çамрăк ĕмĕр час иртет.

7. Юрă «Çĕмĕрт çеçки çурăлать».

1.Çĕмĕрт çеçки çурăлать те,

Çĕмĕрт çеçки çурăлать,

Вăрман витĕр курăнать /2 х

2.Шурă кĕпе тăхăнсан та,

Шурă кĕпе тăхăнсан,

Вăйă витĕр курăнать /2 х

3.Çутă пушмак, шур чăлха та,

Çутă пушмак, шур чăлха.

Кирĕк тивмест тетĕр-им? /2 х

4.Вылямастăр, кулмастăр та,

Вылямастăр, кулмастăр.

Вăйă иртмест тетĕр-им? /2 х

5.Чăрăш кĕлет, сар кĕлет те,

Чăрăш кĕлет, сар кĕлет.

Тăрри чăнкă килĕшет /2 х

6.Эпир вăййа тухсассăн та,

Эпир вăййа тухсассăн,

Юрлани те килĕшет /2 х

Кас суханне касмăттăм,

Çиес килни пĕтерет.

Каçхи вăййа тухмăттăм,

Тухас килни пĕтерет.

8. Вăйă «Çĕр валеçни»

- Атьăр, çĕрĕ валеçмелле вылятпăр!

- Вылятпăр!

- Эпĕ çĕрĕ валеçетĕп.

Пĕлекенни кам пулать?

- Эп – пĕлекенни пулатăп!

- Чик-чик-чикĕлти,

Эс чипер те, эп чипер.

Санран чипер тата пур.

Сик, тух, чиперри!

- Çĕрĕ камра?

- Çĕрĕ Санюкра!

- Пĕлеймерĕ! Мĕн тутаратпăр?!

- Такмак каласа ташлаттаратпăр!

Такмаксем.

1.Шап-шурă купăста

Эпир çиме пит ăста.

Юрламасан, ташламасан

Пире кунта намăс та.

2.Лач-лач-лачака

Лачакара вĕт шапа.

Пирĕн ялăн ачисем

Чисти усал качака.

3.Хура вăрман çырлине

Чĕреспеле пухмалла.

Сирĕн пире тиркеме

Шухăшласа пăхмалла.

4.Çырмара, лапара

Лапра пулать-и вара?

Эпир кунта ташланăшăн

Намăс пулать-и вара?

5.Велосипед, велосипед

Такăр çула юратать.

Велосипед çинчи ачи

Сарă хĕре юратать.

6.Чÿречене уçăр –ха

Уçă сывлăш кĕтĕр-ха.

Аллăрсене çупăр-ха

Хаваслăрах пултăр-ха!

-Халĕ çĕрĕ эпĕ валеçетĕп!

Пĕлекенни кам пулать?

- Эпĕ пĕлекенни пулатăп!

- Чик-чик-чикĕлти,

Эс чипер те, эп чипер.

Санран чипер тата пур.

Сик, тух, чиперри

- Çĕрĕ камра?

- Çĕрĕ Верукра!

- Пĕлчĕ! Мĕн тутаратпăр?

- Сăвă калаттаратпăр!

Сурăх çÿрет кĕтÿре

Самăрланса кунсерен.

Сумлă алса-чăлхасем

Сурăх парать çулсерен!

- Эх, лайăх-çке вăйăра

Юрă юрлама.

Тĕрлĕ чечексем çине

Пăхса савăнма!

9. Юрă «Сар ача»

1.- Сар ача, Сар ача,

Тух-ха урама!

— Мĕн тума? Мĕн тума? /2 х

— Сăвă калама!

2.- Сар ача, Сар ача,

Тух-ха урама!

— Мĕн тума? Мĕн тума? /2 х

-Юрă юрлама!

3.- Сар ача, Сар ача,

Тух-ха урама!

— Мĕн тума? Мĕн тума? /2 х

— Ташă ташлама!

4.- Сар ача, Сар ача,

Тух-ха урама!

— Мĕн тума? Мĕн тума? /2 х

— Вăйă выляма!

5. — Сар ача, Сар ача,

Тух-ха урама!

— Мĕн тума? Мĕн тума? /2 х

— Хыттăн чуптума!

- Тантăшсем, атьăр икĕ ушкăна уйрăлар!

- Уйрăлар!

- Мĕнле вăйă выляр-ши, ачасем?!

- «Çерем ватса вир акрăм» вăйă вылятпăр!

10. Вăйă «Çерем ватса вир акрăм»

— Çерем ватса, çерем ватса вир акрăм. /2 х

-Эпир ăна таптатпăр /2 х

-Эсир мĕнпе, эсир мĕнпе таптатăр? /2 х

-Кĕтÿ кĕртсе таптатпăр. /2 х

— Эпир ăна, эпир ăна тытатпăр /2 х

— Эсир мĕнпе тытатăр? /2 х

— Чĕн йĕвенпе, чĕн йĕвенпе тытатпăр /2 х

— Эпир ăна илетпĕр! /2 х

— Эсир мĕнпе, эсир мĕнпе илетĕр? /2 х

— Пин сум парса илетпĕр /2 х

— Пире пин сум , пире пин сум кирлĕ мар. /2 х

— Сире тата мĕн кирлĕ? /2 х

— Пире тата, пире тата хĕр кирлĕ/2 х

— Пирĕн çунат катăлчĕ /2 х

— Пирĕн çунат, пирĕн çунат хушăнчĕ/ 2х

- Верука ташлаттаратпăр-и?

- Ташлаттаратпăр!

- Эпĕ пĕччен ташламастăп.

Эпĕ хĕрсемпе ташлатăп!

Чăваш ташши «Линкка-линкка»

1.Линкка-линкка авкаланма

Юман хăма кирлĕ / 2 х

Халь те юман, халь те юман

Тата юман кирлĕ /2 х

2.Йăкăш-йăкăш шуçкалама

Яка хăма кирлĕ. /2 х

Халь те яка, халь те яка

Тата яка кирлĕ. /2 х

3.Ик аллăма сулкалама

Кĕмĕл çĕрĕ кирлĕ. /2 х

Халь те кĕмĕл, халь те кĕмĕл

Тата кĕмĕл кирлĕ. /2 х

4.Чуп-чуп чуптума

Чипер ача кирлĕ. /2 х

Халь те чипер, халь те чипер

Тата чипер кирлĕ. /2 х

5.Линкка-линкка авкаланма

Юман хăма кирлĕ / 2 х

Халь те юман, халь те юман

Тата юман кирлĕ /2 х

-Тул çутăлса килет.

Автансем те авăта пуçларĕç.

-Çитет пулĕ выляса,

Çитет пулĕ юрласа.

Хĕвел тухрĕ хĕрелсе

Çĕнĕ куна ырласа.

(«Хурăн çулçи» юрă юрласа тухса каяççĕ»)

3.Хурăн çулçи /3 х

Тăкăнсан,

Каять вăрман /3 х

Илемĕ.

4.Хĕрсем вăйран /3 х

Кĕрсессĕн

Каять урам /3 х

Илемĕ.

Файлы: әкиятләр.doc
Размер файла: 54272 байт.