Автор конспекта:
Автор(ы): — Мухаметзянова Аниса Ахмадулловна

Место работы, должность: — МОУ НОШ д.Битлянгур

Регион: — Республика Татарстан

Характеристики урока (занятия) Уровень образования: — начальное общее образование

Целевая аудитория: — Учитель (преподаватель)

Класс(ы): — 2 класс

Предмет(ы): — Родной язык

Цель урока: — 2 нче сыйныф, татар теле
Тема. Сыйфат.
— Максат. Балаларны сыйфат сүз төркеме белән таныштыру, аны башка сүз төркемнәреннән аерырга өйрәтү.
Балаларның сөйләм телләрен, дөрес язу күнекмәләрен формалаштыру.
Игътибарлылык, мөстәкыйльлек тәрбияләү. Балаларның сүзлек байлыгын арттыру. — Җиһазлау: дәреслек, таблица, рәсемнәр.
— — — — — — — — — — — — — — — — — — Дәрес барышы
— 1. Оештыру.
2. Психологик уңай халәт тудыру.
— Балалар, барыбыз да дөрес итеп утырабыз. Дәрес өчен кирәкле бөтен әйберләрне әзерләп куйыйк. Хәзер безнең татар теле дәресе.
3. Белемнәрне тигезләү.
а) Алма рәсеме күрсәтелә — -Бу нәрсә?
-Алма.
-"Алма" сүзе нинди сүз төркеменә керә?
— Исем.
-Тамгасы нинди?
— — — — -Нәрсә? соравына җавап булып килгән сүзләр әйтегез әле.
-Кайчан нәрсә? дип, кайчан кем? дип сорау куябыз?
Исемнең кагыйдәсе әйтела Балалардан берничә җөмлә төзетеп, исемнәр таптырыла.
- Исемнәр турында без тагын ниләр беләбез?
- Берлек һәм күплек санда киләләр. (Мисаллар китерү.)
- Ялгызлык, уртаклык исемнәр була. (Мисаллар китерү.)
- Килешләрдә төрләна (Бер сүз килешләрдә төрләндерелә һәм хикәя төзелә)
- Хикәя матур чыктымы?
- Юк.
- Ни өчен?
- Һәр җөмләдә бер үк сүз кулланылган.
- Нәрсә белән алыштырырга мөмкин?
— Алмашлыклар белән.
б) Алмашлыклар турында кабатлау.
- Алмашлыкның эше нәрсә?
- Алмашлыклар исемне алмаштырып киләләр.
- Берлек, күплек санда киләләр.
- Килешләрдә төрләнәләр. ("Ул" алмашлыгы килешләрдә төрләндерела)
4. Уку мәсьәләсен кую һәм чишү.
-Исем һәм алмашлыктан тыш тагын башка сүз төркемнәре юк микән? Бүген без шуны карап китәрбез.
а) Тагын алма рәсеме күрсәтелә.
- Алма турында ниләр әйтә аласыз? Билгеләрен санагыз.
- Кызыл, түгәрәк, тәмле һ. б.
— - Шушы сүзләргә сорау куйыйк әле.
- Нинди?
- Мондый сүзләрнең тамгасы?
— -Балалар, предметның билгесен белдереп, нинди? кайсы? сорауларына җавап булып килүче сүзләр сыйфатлар дип атала.
б)- Сыйфатның җөмләдәге роле?
- Җөмләне матурлый.
- Предметларны бер-берсеннән аера. Мәсәлән: нинди агач? Биек, яшел, матур һ.б.
в)- Сыйфат предметның нинди билгеләрен белдерә икән?
- төсен: ак, кызыл;
- тәмен: ачы, баллы;
- исен: тәмле, тәмсез;
- зурлыгын: зур, кечкенә;
- формасын: түгәрәк, озынча;
- материалын: агач, тимер;
- вакытын: җәйге, иртәнге,
Һәркайсына мисаллар китерелә.
- Сыйфат турында йомгаклап нәрсәләр әйтә аласыз?
1. Нәрсә белдерә?
Нинди сорауларга җавап булып килә?
Җөмләдәге роле.
5..Модельләштерү.
а)Дәреслек белән эш. 72 нче бит.(телдән.) Предметларның билгеләрен санарга. Нинди билгесен белдерә?
б)№137. Күчереп язарга, сыйфатлар астына дулкынлы сызык сызарга.
в)Тактага 3 рәсем эленә Парларда эш.Шушы предметларның билгесен белдерүче сүзләрне кайсы пар күбрәк язар икән. (Кишер, агач, яфрак рәсемнәре.)
г)Сайланма диктант яздыру.
Сыйфатларны гына язып алырга:
— Җәен соры, кышын ак, аңа шулай яхшырак. — Кечкенә генә йорт, эче тулы корт.
Ак алъяпкыч таптым, җир өстенә яптым.
Баш астында баллы кашык.
д)Картина буенча сыйфатлар кертеп җөмләләр төзерга.
е)Схемаларга туры китереп , җөмләләр төзергә.
— — ж) №136 (телдән) Тиешле сыйфатларны куеп укырга. — 6. Кабатлау.
- Без бүген нәрсә өйрәндек?
- Ничек өйрәндек?
- Нәрсә ул сыйфат?Без аны ничек таныдык?
7)Үзбәя.
-Кемнәр бүгенге дәрес материалын "5"легә генә үзләштердем дип саный? Кемнәр үзенә "4"ле куя?
8) Өй эше бирү. №135. 72 нче бит. Сыйфатларның асларына сызарга.
9)Алдагы дәрескә уку мәсьәләсен кую.
— Сыйфатлар да килешләрдә төрләнәме икән? Киләсе дәрестә шул турыда сөйләшербез.
— Дәрес тәмам.
— —

Краткое описание: — Сыйфат.